ТР Сәламәтлек саклау министрлыгы 2018 елны Ир-ат сәламәтлеге елы дип игълан итте

(Казан, 28 декабрь, «Татар-информ»). Татарстан сәламәтлек саклау министры Гадел Вафин 2018 елны Ир-ат сәламәтлеге елы дип игълан итте. Казандагы 21нче хастаханәнең яңа бинасында узган еллык йомгаклау конференциясендә ул шул хакта белдерде.

«Ир-атлар үз сәламәтлекләрен кайгыртуга бөтенләй диярлек игътибар бирми. Республикада ир-атлар һәм хатын-кызларның гомер озынлыгы арасындагы аерманың 11 ел тәшкил итүе көчле затларга үз сәламәтлегенә игътибарны арттырырга кирәклеге хакында сөйли. Биредә башка юл юк», - диде Вафин.

Министр сүзләренчә, тәмәке тарту, исерткеч эчемлекләр куллану һәм рациональ булмаган туклану ир-атларның кан тамырлары зарарлануына китерә.

Чыганак: http://tatar-inform.tatar/news/2017/12/28/155155/