Тюльпаннар...- күңел җылысы

Бүген игътибар үзәгендә - хатын-кызлар. Һәр оешма үзенең гүзәлләрен котлый, төрле чаралар үткәрә. Ленин исемендәге хуҗалык ир-егетләре дә бүген күңел җылыларын хатын-кызларга бүләк иттеләр. Бу фотода алар терлекчеләрне котлыйлар. Күп кирәкмени?! Лалә чәчәкләре, игътибар, тәмле сүз һәм мәдәният хезмәткәрләренең чыгышлары...

- Терлекчеләребезгә бәйрәм концерты бүләк иттек. Гармун моңнарына кушылып. Бергәләп җырладык. Авыр һэм мактаулы эшләреннән соң, түгәрәк өстәл артында күмәк җырлар җырлап, рәхәтләнеп ял иттеләр... - диләр концерт куючылар.

Бәйрәм белән Сезне, хөрмәтле хатын-кызларыбыз!