Янә ярты тонна! - "Әтнә таңы"

Татарстан авыл хуҗалыгы һәм азык-төлек министрлыгының оператив мәгълүматларыннан күренгәнчә, Әтнә күмәк хуҗалыклары һәр көнне савып алган сөт күләме тагын ярты тоннага артты. Соңгы айда ул атна саен якынча 1 тоннага күбәя. Көндәшләрнең күбесендә кимегән бер мәлдә бу! Шул сәбәпле ай башына карата +3 тонна булды. Бүгенгә барлык тәүлеклек тулаем сөт 146,5 тонна тәшкил итте. Бездән күбрәк тулай сөтне Кукмара һәм Балтачта гына савалар.

Ә бер сыердан савым буенча Әтнәгә җитүче юк. Җитәр өчен безгә иң якын урнашкан көндәшкә дә һәр сыерыннан өстәмә кило ярым сөт алырга кирәк.