ЗАГС бүлеге хәбәр итә

Сентябрь аенда районда барлыгы сигез сабый дөньяга килгән. Аларның бишесе - малай, өчесе - кыз. Гаиләдә бер бала - беренче, ике бала - икенче, биш бала - өченче булып туган. Алты пар язылышкан, өч пар аерылышкан. Тугыз үлем очрагы теркәлгән, алардан - дүрт ир-ат һәм биш хатын-кыз. Ел башыннан саннарга күз салсак, тугыз ай эчендә барлыгы 48 бала туган. Аларның егерме сигезе - малай, егермесе - кыз. Гаиләдә 17 бала - беренче, 16 бала - икенче, 13 бала - өченче һәм 2 бала - дүртенче булып туган. Үлем белән бәйле саннарга килгәндә, барлыгы 160 (!) үлем очрагы теркәлгән. Үлүчеләрнең җитмеш өче - ирләр, сиксән җидесе - хатын-кыз.