Аллергиягә каршы профилактика атнасы

Җәй уртасы, әмма күпләр өчен бу вакыт ел фасылы — сезонлы аллергия белән бозыла. Бөтен дөньяда аллергик ринит, конъюнктивит, атопик дерматит һәм бронхиаль астма белән авыручылар саны арта. Истә тотыгыз: аллергия барлыкка килү кешенең гомуми сәламәтлеге яки иммунитетыннан тормый.

Реакцияне теләсә нинди матдә китереп чыгарырга мөмкин — тузаннан алып дару яки ризыкка кадәр — тормышның теләсә кайсы мизгелендә.

Нигә июль — куркыныч ай? Хәзер Россиянең урта полосасында әрекмән (полынь), алабута (лебеда), кычыткан (крапива) һәм бөртекле үләннәр (мәсәлән, арыш) актив чәчәк ата. Ә айның икенче яртысында көньяк төбәкләрдә амброзия — иң агрессив аллергеннарның берсе оча башлый. Корылыклы җилле һавада тузан концентрациясе пик ноктасына җитә, ул зур араларга тарала һәм йортларыбызга да җиңел үтеп керә.

Чәчәк ату чорында үз-үзеңне ничек сакларга? Әгәр дә климат зонасын алыштыру мөмкинлегегез юк икән, иминлекнең гади кагыйдәләрен үтәгез: Ачык һавада булган вакытыгызны, аеруча коры һәм җилле көннәрдә, чикләгез.

Табигатькә чыгулардан баш тартыгыз: урманга, кырга, дачага яки пикникка. Өйдә дә, автомобильдә дә тәрәзәләрне ябык тотыгыз. Махсус фильтр челтәрләрен («тузаннан барьер») һәм һава чистарту системаларын кулланыгыз. Фатирда көн саен юеш җыештыру үткәрегез. Өйгә кайткач, душ кабул итегез, башыгызны юыгыз һәм киемегезне алыштырыгыз — тиредәге һәм чәчләрдәге утырган тузанны юып төшерегез. Борын, күз һәм авыз эчен физиологик эремә белән чайкагыз.

Симптомнарны игътибарсыз калдыру патологиянең авыр формалары үсешенә китерергә мөмкин. Вакытында табибка мөрәҗәгать итү, иртә диагностика һәм дөрес сайланган терапия авыруга контроль алырга ярдәм итә. Даими диспансеризация турында онытмагыз! Ачыкланган аллергиясе булган пациентларга аллерголог-иммунолог һәм башка белгечләр катнашында диспансер күзәтүендә булырга кирәк.

Әгәр симптомнар сезгә җәйдән ләззәт алырга комачаулый икән — белгечләргә консультациягә мөрәҗәгать итегез.