Яман шеш чирен иртә стадияләрдә табарга нинди тикшеренүләр ярдәм итә?

* 40 яшьтән 75 яшькә кадәрге хатын-кызлар өчен маммография ике елга бер тапкыр үткәрелә. Бу тикшерү сөт бизләренең яман шешен ачыкларга мөмкинлек бирә.
* Хатын-кызларның аналык муентыгын цитологик тикшерү 18 яшьтән 65 яшькә кадәрге хатын-кызларга өч елга бер тапкыр тәкъдим ителә. Бу анализ яман шеш алды үзгәрешләрен һәм аналык муентыгы яман шешен иртә стадияләрдә ачыкларга мөмкинлек бирә.
* Тизәкне яшерен канга тикшерү 40 яшьтән 64 яшькә кадәрге ир-атлар һәм хатын-кызлар өчен ике елга бер тапкыр, ә аннары 65 яшьтән 75 яшькә кадәр, елга бер тапкыр үткәрелә. Бу анализның уңай нәтиҗәләре колоректаль яман шеш турында сөйли ала.
* Ашказанындагы шешне ачыклау өчен тикшерү  45 яшьтән үткәрелә. Тикшеренүнең бу эндоскопик ысулы үңәч һәм ашказанының шеш зарарлануларын ачыкларга мөмкинлек бирә.                                                                                                                                      
*Простат специфик антиген дәрәҗәсенә кан анализы 45, 50, 55, 60 һәм 64 яшьлек ир-атларга киңәш ителә. Бу анализ простата бизенең яман шеш авыруларын да кертеп, вакытында ачыкларга һәм дәваларга ярдәм итә.
* Флюорография исә, күк­рәк күзәнәгенең яман шеш, туберкулез һәм үпкә авыруларын ачыклауга юнәлдерелгән скрининг тикшеренүеннән гыйбарәт. Сәламәт кешеләргә аны елга 1 мәртәбә уздырырга киңәш ителә.
Табиблар аңлатуынча яман шеш авырулары ешрак диспансеризация һәм профилактик тикшерүләр уз­ган вакытта ачыклана. Ягъни яман шешне симп­том­нар булмаган вакытта да, иртә стадиядә дә ачык­ларга мөмкин. Авыруны тулы­сынча дәвалау ихтима­лы да күпкә зуррак, ди табиб­лар.  Диспансеризациягә кил­гәндә, аны 18 яшьтән алып 24 яшьтән өлкәнрәкләр уза ала. Тикшерүнең ешлыгы: 18 яшьтән алып 39 яшькә кадәр өч елга 1 мәртәбә (18, 21, 24, 27, 30, 33, 36, 39); ә 40 яшьтә һәм аннан өлкәнрәкләр ел саен үтәргә хокуклы.