«Мин беркемгә дә кирәк түгел»

Без сезнең бик мөһим һәм кискен темага — наркотикларны профилактикалауга кагылабыз. Бу мәсьәләдә төп коралларның берсе — психологик яктан сәламәт булу һәм үз-үзеңне хөрмәт итү.

Наркотиклар еш кына кешенең үзенә, көченә ышанычы кимегән, тормыштан канәгатьлек хисе югалган вакытта «ярдәмгә» килә. Кеше үзен кирәксез, ялгыз яки уңышсыз итеп хис иткәндә, аның өчен «качып котылу» юллары эзли башлый. Нәкъ менә шул вакытта наркотик матдәләр иллюзиясе барлыкка килә.

 Үз-үзеңне хөрмәт итү — бу нәрсә? Бу — үзеңнең хисләреңне тану, алар белән эшли белү, үзеңнең уңай якларыңны күрү һәм кимчелекләреңне кабул итү. Кеше үзен хөрмәт итсә, ул:

Чикләр куя белә. Ул начар тәкъдимнәрне кире кагарга курыкмый.

Ялгышулардан курыкмый. Ул хаталарны үсеш өчен мөмкинлек итеп кабул итә.

Кыйммәтләрен белә. Аның өчен сәламәтлек һәм гаиләсе беренче урында тора.

 Нәрсә эшләргә?

Эчке дөньягыз белән дус булыгыз. Нәрсә борчый? Нинди хисләр кичерәсез? Аларны яшермичә, дусларыгызга, туганнарыгызга яки белгечләргә сөйләгез.

Максатлар куегыз. Спорт, музыка, рәсем ясау яки волонтерлык — үзегезгә ошаган шөгыль табыгыз. Уңышка ирешү сезгә ышаныч өсти.

Якыннарыгызның ярдәменнән баш тартмагыз. Ялгызлык — иң куркыныч дошман. Гаилә һәм чын дуслар — авыр минутларда терәк була торган иң зур байлык.

Сезнең психик сәламәтлегегез — ул сезнең иң кыйммәтле байлыгыгыз. Аны саклагыз. Әгәр дә сезгә яки якыннарыгызга ярдәм кирәк икән, оялмагыз — безнең белгечләр сезне тыңларга һәм ярдәм итәргә әзер.