Соңгы тәүлектә 256 кеше коронавирус инфекциясе йоктырган

Бу хакта ТР Сәламәтлек саклау министрлыгының матбугат хезмәте хәбәр итә.

«Инфекция йоктыручылар арасында 18 яшьлек балалар – 21 кеше», - дип белдерделәр ведомствода.

Казанда – 73, Чаллыда – 32, Түбән Кама районында – 21, Әлмәт районында – 15, Яшел Үзән районында 13 очрак ачыкланган.

Пандемия башланганнан алып республикада коронавирус инфекциясенең 139 856 очрагы расланган, 133 275 кеше (шуларның 123е – узган тәүлектә) терелгән. 10 апрельгә булган мәгълүматлар буенча, Татарстанда коронавирус корбаннарының гомуми саны 1 909 кешегә җиткән.

Чыганак: https://tatar-inform.tatar/news/tatarstanda-songy-taulekta-256-kese-koronavirus-infekciyase-ioktyrgan-5852926