Татарстанда 260 кешедә Covid-19 тапканнар
Татарстанда Covid-19 белән чирләгән 260 кеше теркәлгән. Татарстан Сәламәтлек саклау министрлыгының матбугат хезмәте шул турыда хәбәр итте.
41 кеше хастаханәгә салынган. 18 яшькә кадәрге балалар - 19 кеше, диелгән ведомство хәбәрендә.
Коронавирус йоктыручылар республиканың 45 муниципалитетында ачыкланган. Иң күп чирләүчеләр Казанда (83 кеше) теркәлгән. Яшел Үзән районында авыруның 20 очрагы билгеле. Чаллыда — 19, Әлмәт һәм Түбән Кама районнарында унбишәр кеше чирләгән.
Гомумән алганда, 2022 елның 5 апреленә булган мәгълүматларга караганда, республикада пандемия башланганнан бирле авыруның 138 575 очрагы рәсми төстә расланган. Татарстанда яшәүче 130 957 кеше савыккан, 760 кеше узган тәүлектә сәламәтләнгән.
Барлыгы 2 503 743 татарстанлы вакцинация үткән. Ике дозаны да 1 926 025 кеше ясаткан. Республиканың 285 349 кешесе вакцинаның бустер дозаларын алган.
Чыганак: https://tatar-inform.tatar/news/tatarstanda-260-keseda-covid-19-tapkannar-5852682
Следите за самым важным и интересным в Telegram-каналеТатмедиа
Нет комментариев