Татарстанда бер тәүлек эчендә тагын 47 кеше коронавирус инфекциясе йоктырган

Татарстанда соңгы тәүлектә Covid-19 коронавирус инфекциясе йоктыруның 47 яңа очрагы ачыкланган.

ТР Сәламәтлек саклау министрлыгының матбугат хезмәтеннән хәбәр итүләренчә, 17 кеше хастаханәгә озатылган, 30 кеше өендә дәвалана

Инфекция йоктыручыларның күбесе 50-60 яшь (11 кеше) аралыгында ачыкланган.

Казанда – 22, Чаллыда – 7, Лаеш, Әлмәт, Менделеевск районнарында – өчәр очрак теркәлгән.

Эпидемия башланганнан алып республикада коронавирус инфекциясенең 18 733 очрагы ачыкланган, 15 354 кеше терелгән.

Республикада 103 815 кеше вакцинация узды.

Чыганак: https://tatar-inform.tatar/news/health/15-03-2021/tatarstanda-ber-t-lek-echend-tagyn-47-keshe-koronavirus-infektsiyase-yoktyrgan