Әтнәләрнең «Агроволга»дагы уңышлары
«Казан Экспо» халыкара күргәзмә үзәге территориясендә, 3-5 июль көннәрендә, 400ләп компания һәм бу өлкәнең 15 меңләп белгече катнашында, «Агроволга» (“ИделАгро”) Халыкара агросәнәгать күргәзмәсе эшли башлады.
Биредә Татарстан гына түгел, бөтен Россия аграрийлары ярыша.
Чараны Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров ачып җибәрде.
Аңлатып узыйк: монда агросәнәгать өлкәсендәге яңалыклар тәкъдим ителә, әйтик, авыл хуҗалыгы техникасы, запчастьләр, үсемлекчелек, цифрлашу, авыл хуҗалыгы продукциясен эшкәртү, саклау һәм упаковкалау. Ә узган елны “Агроволга” үз территориясендә «Бөтенроссия кыр көне»н дә кабул иткән иде. Быел мөгезле эре терлек тоягын кисү буенча да Халыкара турнир узды. Анысында Россия, Беларусь Республикасы, Казахстан, Боливия, Куба ише дәүләтләрдән килгән 150 ветеринария ортопедлары ярышты.
Конкурста районның 5 күмәк хуҗалыгыннан 9 тана катнашты. «Таң» күмәк хуҗалыгы танасы «Вице-чемпион» исемен яулады.
Ә “Трактор-шоу” бәйгесендә Фәйзи Галиев исемендәге күмәк хуҗалыктан Ирек Галиев катнашачак.
Следите за самым важным и интересным в Telegram-каналеТатмедиа
Нет комментариев