Чит ил гражданы җаваплылыкка тартылган

Әтнә районында «Нелегал» операциясе бара. Бу чорда районда яшәүче чит гражданнарны тикшерәчәкләр. Аларның Россия территориясендә яшәү кагыйдәләрен үтәүләре күз уңында булачак.

- Бүгенге көндә район Эчке эшләр бүлеге белән берлектә чит ил гражданнарын тикшердек. Һәм яшәү кагыйдәсен бозган өчен бер чит ил гражданына протокол төзелде. Тикшерүләр дәвам итә, – диде район миграция хезмәте җитәкчесе Реваль Мөхәмәтҗанов.

Россия территориясендә яшисез икән, кагыйдәләрне дә үтәргә кирәк.