Яр Чаллыда 16 шешә куркыныч Aloe Vera эчемлеген сатудан алганнар
Татарстан буенча Роспотребнадзор идарәсе төбәк территориясендә Aloe Vera эчемлеген сатуны туктатты.
Моның сәбәпләре дә бар. Әлеге эчемлектә хокук бозулар табылган.
«ВЕЛЬТА-ПЕНЗА» ҖЧҖ продукциясенә карата чаралар күрелгән. «Гадел билге» дәүләт маркировкасы системасын көндәлек мониторинглау хокук бозуны ачыкларга мөмкинлек бирде: куркыныч эчемлек Яр Чаллының ике сәүдә ноктасында сатылуын дәвам иткән.
Планнан тыш тикшерүләр барышында әйләнештән 16 шешә алынган. Күзәтчелек чаралары түбәндәге адреслар буенча узды: Яр Чаллы шәһәре, 9А йорт; Казан шәһәре, 106 йорт.
Эшмәкәрләргә карата административ хокук бозулар турында эшләр кузгатылган. Элегрәк бу эчемлек салынган шешәләрдә ацетон табылуы турында хәбәр ителгән иде.
Бу эчемлек кибет киштәләрендә табылса, татарстанлылардан кичекмәстән 8 (843) 272-80-43 кайнар линиясе телефоны аша яисә «Честный знак»бушлай мобиль кушымтасы аша хәбәр итүләрен сорыйлар.
Мәгълүмат tnv.ru алынды
Фото: t.me/rpn_rt.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев