Олы Мәңгәр мәчетендә балалар өчен Корбан гаете бәйрәме узды

Олы Мәңгәр мәчетен сүрәтләүче рәсем бәйгесендә катнашучыларга истәлек бүләкләр тапшырылды. Киләчәкнең дини нигезенә тагын бер ныклы таш өстәлде. Бәйрәм шулкадәр мавыктыргыч оештырылган. Балаларга татлы мамык, туңдырма, попкорн, тәмле су, батутлар һәм башкалар бар да бушлай. Шул ук вакытта дини темага викториналар узды, аятьләр укыды сабыйлар. Ахырдан һәр килгән кеше, учакта пешкән пылаудан авыз итте, һәр балага күчтәнәчләр өләштеләр. Оештыручыларга балаларны куандырган өчен савабы күп булсын.