Зур яңалык; Сөмбел биология фәненнән 100 балл җыйды

Күңгәр урта мәктәбенең Хәмдия Галиеваның укучысы Сөмбел биология фәненнән дә 100 баллга бирде.

Мондый хәлнең район тарихында да булганы юк иде. Сөмбел Хисамиева химия һәм биологияне 100 баллга, рус телен 91 баллга тапшырды.

Сөмбелдән хисләре белән уртаклашуын сорашкач:

- Биолгиядән 90ны гына уздым кебек, дип уйлаган идем. 100 балл дип һич уйламадым, – дип шатлыгы белән уртаклашты ул. 

Укытучысы Хәмдия ханым Галиева да әлеге нәтиҗәне ишетеп:

- Сөмбел белән сөйләшкән вакытта, биологиядән 100 баллны кемнәр җыя икән, дип уйлашкан идек. Максат куйсаң, була икән 100 балл җыярга. Әле дә ышанып бетеп булмый, – диде ул.

Афәрин! Хәмдия ханым белән Сөмбелнең уртак тырышлыгы, уңышы бу.