“Ленин”нар экваторга якынлаша

“Ленин” җитештерүче авыл хуҗалыгы кооперативы нәсел заводында булып эш барышы белән танышып кайттык. Биредә без булганда тиешле мәйданнарга карата барлык чәчүнең өчтән берен үк тәмамлаганнар иде. Гомумән, “Ленин”нар язгы чәчүне тиз һәм сыйфатлы башкаралар. Сез бу санны укыганда яртысын тәмамлаганнар инде дисәләр, гаҗәпләнмәгез. Кыскасы, экваторга якынлашалар.

2 май көненә язгы чәчү барышы. Дөрес, газета дөнья күргәндә, бу саннар шактыйга үзгәргән булырга мөмкин. Бе­ренче багана – күмәк хуҗа­лык, икенче – чәчү уздырасы, өченче – инде башкарылган мәйдан. 
Дусым        1936    180
Ф.Галиев исем.    1289    380
Күшәр        2978    520
Ленин        3672    724
Таң        3343    150
Мәңгәр        2552    420
Шахтер        3528    828
Уңыш        2969    260
Тукай        4618    1354
Район буенча    26885    4816

Күмәк хуҗалыкның “John Deere” чәчү комплексы һәм андагы игенчеләр белән Пучинкәгә чиктәш басуда очраштык. Чынлыкта, “Ленин”ның иң ерактагы басуларының берсе бу. Ә икенче яктан карасак, янәшәдә генә үзебезнең Комыргуҗа авылы урнашкан.
Чәчү комплексы басу әй­ләнгәндә, орлык һәм ашлама алып килгән егетләр белән таны­ша тордык. Абыйлы-энеле Хәйруллиннар – Илгиз һәм Ин­­саф каршы алдылар безне. Соңгысы “КамАЗ-манипулятор” белән. Капчыклы селитраны чәчү комплексы мичкәләренә ау­дарырга бик уңай аның белән. Хәер, хәзер барысы да уңай, элекке сыман капчык күтәреп чәчкечкә ташыйсы юк. Бу очракта “КамАЗ” арбасындагы махсус тишектән тран­спор­терга агып төшеп, аннан чә­чү комплексының икенче мичкәсенә күтәрелүче орлыкны да күз алдында тотам. Хәер, элеккеләрне искә алмыйча, бүгенгеләрне күзаллап узыйк. Бу егетләрне икенче сменада Та­һир Сабиров алыштыра. 
– Язгы кыр эшләре, аеруча чә_чү, көннең нинди булуына кара­мастан күңелле чор, – диләр иген­челәр.
Бу очракта салкын җилне һәм бе­рән-сәрән сибәләгән карны күз алдында тота алар. Шунда ук:
– Ашлама ява. Дөресрәге, сибәли, – диләр.
“John Deere” чәчү комплексын өстерәп “Нью Холланд” тракторы да килеп җитте. Тракторчысы – күптәнге таныш Әгъзәм Баһавиев. Икенче сменада улы Алмаз Баһавиев эшли икән. Ә тракторчы янәшәсендә “Заправка” башкаручы Ранил Хәмидуллин – техникум студенты. Гомумән, студент игенчеләр шактый монда. 
Икенче басуда, “ФИАТ” комплексында Илнар Биктимеров эшли, аны икенче сменада Рөстәм Насреддинов алыштыра. Монда орлыкны Илфат Сибгатуллин һәм Илнур Хәкимов чыгаралар. Игенчеләр – Ранил Гыйниятуллин һәм Данил Закиров. Аммиакны Илфат Сәгъдиев һәм икенче сменада Фәнил Сабирҗанов чыгаралар. Ә ашламаны басуга Ренат Камалиев һәм Хәмит Шәрәфетдинов китерә.
Басуда тагын бер агрегат – “СЗМ-400” чәчкече дә эшли. Тракторчысы – Раил Галләмов. Бу агрегат озын сменада эшли. Орлыкны Айдар Сәмигуллин, ашламаны Әгъләм Шәмсетдинов чыгара. Игенчеләр теле белән әйтсәк, биредә “заправка”ны Рамазан Әскаров, Раниль Сабиров башкара.
– Бүген үк куку­руз чәчәргә дә ке­ре­шәбез. Анысына Рәдис Мифта­хов чыга. Орлык­ны Зөлфәт Галләмов чыгара. “Заправка”ны Ильмир Сәмигуллин һәм Раил Сафиуллин башкара.
Параллель рәвештә культивация дә дәвам итә. Анысын Илназ Гайнуллин, Илшат Камалиев башкара. Икенче агрегатта Илфар Галиәхмәтов эшли, – ди баш агроном Әнәс Хәйруллин.
Биредә эшкә җәлеп ителгән барлык игенчеләрне дә искә алып бетереп булмады. Болар – игенчеләрнең кайберләре генә. Калганнарын моннан соңгы мәкаләләрдә искә алырбыз. Әмма теләкләре уртак – язгы эшләрне тиз арада төгәлләп, көзен уңай нәтиҗәсен күрергә язсын!