Күп балалы гаиләнең статусын билгеләүгә социаль ярдәм чаралары яңартылган

Күп балалы гаиләләргә социаль ярдәм чаралары өлкән балага 18 яки 23 яшькә кадәр, белем бирү оешмасында көндезге укуы шартларында бирелә.
Дәүләт, аерым алганда, бала туу һәм тәрбияләү белән бәйле рәвештә пособиеләр һәм түләүләр бирү, хезмәт мөнәсәбәтләре өлкәсендә ярдәм чаралары күрсәтү, хатын-кызларга картлык буенча иминият пенсиясен вакытыннан алда билгеләүне гарантияли.
РФ субъектларының югары вазыйфаи затларына, башка эшләр арасында, күп балалы гаиләләрне исәпкә алуны, аларга ярдәм чаралары турында мәгълүмат бирүне һәм өстенлекле тәртиптә социаль ярдәм күрсәтүне тәэмин итү, шулай ук эшкуарлык эшчәнлеге өлкәсендә күп балалы ата-аналарның мәшгульлеген стимуллаштыру чараларын гамәлгә ашыруны тәэмин итү йөкләмәләре бирелде.
6 яшькә кадәрге балаларны дару препаратлары белән бушлай тәэмин итү; торак коммуналь түләүләр өчен ташламалар бирү; белем бирү оешмаларында бушлай ашау һәм траспорт чараларында түләүсез йөрү кебек социаль ярдәм чараларын билгеләргә киңәш ителә.
Элегрәк РФ Президентының 05.05.1992 елгы 431 номерлы "Күп балалы гаиләләргә социаль ярдәм чаралары турында"гы Указы үз көчен югалткан дип танылган.