Әтнәдә 23 де­кабрь­дән 8 гыйнварга кадәрге чорда “Кышкы каникуллар” профилактик акциясе үткәрелә

Район автоинспек­ция­сеннән алган мәгъ­лүмат­ларга караганда, 23 де­кабрь­дән 8 гыйнварга кадәрге чорда “Кышкы каникуллар” профилактик акциясе үткәрелә. Ул, беренче чиратта, мәгълүмати-пропаганда рә­вешендә үтә.
Бу уңайдан ата-аналарны аерым кисәтеп узарга кирәк. Каникуллар чорында балалар бернинди күзәтүсез урамда уйныйлар. Шуңа күрә, балаларыгыз белән юл куркынычсызлыгы, киемгә яктылык кайтаргыч элементлар тагу мөһимлеге, шулай ук транспорт йөри торган юлга таба тау шугалаклары ясауның ярамаганлыгы буенча әңгәмәләр уздыру кирәк.
Транспорт чыганагы йөр­түчеләрдән дә бу чорда аеруча сак булу сорала. Кышкы чор һәм каникуллар вакыты булуны исәпкә алып, тизлекне киметү кирәк. Моннан тыш, транспортта балаларны  махсус җайланмалар белән генә йөртергә тиешлекне кабат искә төшерик. 
Барлык транспорт йөр­түчеләрдән дә җәяүлеләр кичүендә аеруча сак булу сорала.