Әтнәдә юл-транспорт һәлакәтләре арткан
Узган бер атнада транспорт йөртүчеләр тарафыннан 22 юл йөрү кагыйдәләрен бозу очрагы теркәлгән. Бу хакта район автоинспекторлары хәбәр итте.
Аерым алсак, бу көннәрне куркынычсызлык каешы такмаган 10 машина йөртүче административ җаваплылыкка тартылган. Моннан тыш, куркынычсызлык каешын эләктермәгән 1 пассажир да җавап тоткан.
Шушы ук көннәрне транспорт руле артында телефоннан сөйләшеп барган 1 йөртүче дә тоткарланган. Шулай ук машинадагы пыяла тонировкасы нормадан күбрәк булган 2 йөртүче дә административ җаваплылыкка тартылган.
Ә менә 1 транспорт чыганагы дәүләт теркәлү билгесен укып булмау сәбәпле туктатылган. Шулай ук 1 йөк машинасы кисәткән юл билгесен санламаган, хәзер җавап тотачак.
Юл-транспорт һәлакәтләре күп теркәлгән бу атнаны. Бу, мөгаен, карның мул итеп явуы сәбәпле, транспорт юлларының начараюына да бәйледер. 4 шундый очрактан тыш, “главный”дан килүчегә юл бирмәү сәбәпле 2 юл-транспорт һәлакәте дә теркәлгән.
Юлларда сак һәм һәрвакыт игътибарлы булыгыз, тизлекне арттырмагыз.
Үзегезнең һәм башкаларның гомеренә зыян китермәгез. Юлларда иминлек – һәрберебезнең җаваплылыгы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев