Юл иминлеге
Биш машина йөртүче штрафларны вакытында түләмәгән
Әтнәдә эчке эшләр бүлегенең ЮХИДИ бүлекчәсе хезмәткәрләре белән берлектә оештырылган рейдлар дәвам итә.
"Рейд барышында 12 машина йөртүчегә протокол төзелде. 2 автомашинаның дәүләт теркәү номеры укырлык дәрәҗәдә булмаган, 2 очракта ОСАГО – автоиминият кәгазе булмаган, 5 машина йөртүче штрафларны вакытында түләмәү ачыкланган, бер кеше документларын өйдә онытып калдырган булган һәм 2 машина йөртүче куркынычсызлык каешын такмаган өчен протокол төзелде", - дип хәбәр итте ЮХИДИ бүлекчәсе җитәкчесе Айнур Ямалиев.
ЮХИДИ: юл транспорт һәлакәте булса, бердәм ашыгыч хезмәтнең 112 телефон номерына мөрәҗәгать итү кирәклеген искә төшерә.
Следите за самым важным и интересным в Telegram-каналеТатмедиа
Нет комментариев