Штрафларыгызны вакытында түләгез

"Әлеге операция барышында 9 протокол төзелгән. Ике машина йөртүче - саклык каешын такмаган булган, бер машина йөртүченең - машина номерлары чиста булмаган, бер йөртүче - документларын өйдә онытып калдырган, бер йөртүченең - иминият кагәзе булмаган. Дүрт машина йөртүче штрафларын вакытында түләмәгән. Шуны да искәртеп үтәргә кирәк, штрафны вакытында түләмәгән очракта, аны икеләтә күләмдә арттырып түләү, 50 сәгатькә мәҗбүри эшләр яки 15 тәүлеккә арест каралган", - дип хәбәр итте ЮХИДИ бүлекчәсе җитәкчесе Айнур Ямалиев.