Татарстан юлларында юл-транспорт һәлакәтендә 69 бала һәлак булган

Татарстан юлларындагы юл-транспорт һәлакәтендә соңгы биш елда 69 бала һәлак булган. Аларның 25е җәйге чорда үлгән. Бу хакта «Татар-информ»да узган матбугат конференциясендә Эчке эшләр министрлыгының ТР буенча Дәүләт автоинспекциясе идарәсе башлыгы урынбасары Дамир Бикмөхәммәтов сөйләде.

«Соңгы биш елда республика юлларда 69 баласын югалтты. Алтмыш тугыз кечкенә тормыш өзелде – бу ике тулы уку сыйныфы диярлек. Бу фаҗигаләрнең һәрберсе хисаптагы сан гына түгел, бу җимерелгән гаиләләр, ата-аналарның сөйләп бетерә алмаслык кайгысы, тормышка ашмаган хыяллар», – дип сөйләде ул.

Балаларның җәйге каникуллары дәвам итә. Әти-әниләр эштә, балалар олылар күз уңында булмыйлар. Шуңа күрә дә аларга юл кагыйдәләре турында тсләренә төшерү зыян итмәс.