Бүген Татарстанда 22 градуска кадәр җылыта

3 майда Татарстанда җылы һава торышы көтелә, көндез урыны белән көчле җил чыгарга мөмкин.

ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр иткәнчә, бүген аязучан болытлы һава торышы булачак.

Иртәнге һәм көндезге сәгатьләрдә бераз яңгыр яварга, көндез җилнең тизлеге көчәйгәндә секундына 17 метрга кадәр җитәргә мөмкин. Көндез термометрның терекөмеш баганасы +17..+22 градуска кадәр күтәреләчәк. 

Чыганак:https://tatar-inform.tatar/news/ecology/03-05-2021/b-gen-tatarstanda-22-graduska-kad-r-ylyta-5821960