Бүген төнлә Татарстанда 32 градуска кадәр салкын булачак

24 гыйнварга каршы төндә Татарстанда термометр баганалары -27 градуска, аязганда -32 градуска кадәр төшәчәк. Бу турыда Татарстан Гидрометеорология үзәгенең матбугат хезмәте хәбәр итте.

Көндез республикада -14..-19 градус салкын булыр дип фаразлана.

Төнге сәгатьләрдә исә Казанда -29 градус салкын, көндез -14..-16 градус салкын булуы көтелә.

Аязучан-болытлы һава булачак. Аерым районнарда кар явар дип фаразлана. Юлларда бозлавык.

Гадәттән тыш хәлләр министрлыгы төнлә һәм иртән томан төшүе ихтимал дип кисәтә.  

Бу хакта тулырак: https://tatar-inform.tatar/news/2019/01/23/179407/

С.Мингатина фотосы