Зиратка баруның 5 кагыйдәсе

1️⃣ Зиратка барганчы, госел коену яки тәһарәт алу дөрес булыр.
⠀
2️⃣  Зиратка килгәч, түбәндәге сүзләрне әйтеп керергә кирәк:
اَلسَّلَامُ عَلَى أَهْلِ الدِّيَارِ مِنَ الْمُؤْمِنِينَ وَالْمُسْلِيمِينَ ، وَإِنَّا إِنْ شَاءَ اللهُ بِكُمْ لَاحِقُونَ ، أَسْأَلُ اللهَ لَنَا وَلَكُمُ الْعَافِيَةَ
⠀
«Әссәләәмү галәә әһлид-дийәәри минәл-муэминиинә вәл-мүслимиин. Вә иннәә иң шәә Аллааһү бикүм ләәхикуун. Әс’әлүллааһә ләнәә вә ләкүмүл-гаафийәһ» .
«Сәлам сезгә, әй мөэмин-мөселманнар, кабер әһелләре! ИншәАллаһ, без дә сезгә кушылачакбыз. Аллаһы Тәгаләдән Үзебез һәм сезнең өчен гафу ителүебезне сорыйбыз».

3️⃣ Кабер әһелләренең рухына һәм бөтен мөселманнарның рухларына «Йәсин» һәм «Мүльк» («Тәбарәк») сүрәләрен укуның зур савабы булыр.
Пәйгамбәребез (салләллаһу галәйһи вә сәлләм): «Үлгәннәр өчен Йәсин укыгыз», - дигән (Әхмәд бине Хәнбәл, Мөснәд, 5/26).
⠀
4️⃣ Зиратка барганда тормышның никадәр тиз узуы, кабер газабы, Аллаһы Тәгалә каршында җавап бирү турында аеруча күп уйланырга кирәк. Бөтен җирдән сабак алыгыз!
⠀
5️⃣ Каберлеккә агач утырту сөннәт булачак. Пәйгамбәребез (салләллаһу галәйһи вә сәлләм) бер кабер өстенә хөрмә ботагы кадап куя. Ни өчен шулай эшләвен сорагач, ул: «Менә шушы ботак кипкәнче мәеткә савабы барыр», - дип җавап бирә.
⠀
⠀Зиратка баруның билгеле бер вакыты юк. Кайчан барсак та, дөрес булыр. Каберлекләрне карап, чиста итеп тотыйк иң мөһиме.

Чыганак: https://www.instagram.com/atnya_mukhtasibat/?hl=ru