175нче мәктәптә фаҗигадә зыян күргән тагын бер укучыны хастаханәдән чыгардылар

Казанның 175нче гимназиясендәге атыш вакытында зыян күргән тагын бер укучыны Татарстанның Республика балалар клиник хастаханәсеннән чыгардылар.

Бу хакта «Татар-информ» агентлыгына Татарстан Сәламәтлек саклау министрлыгының матбугат хезмәтеннән хәбәр иттеләр.

«Республика балалар клиник хастаханәсе стационарында ике пациент дәвалануын дәвам итә, берсен чыгардылар», — дип искәрттеләр ведомствода.

Табиблар хастаханәдә калган бүтән балаларның хәлен тотрыклы дип бәяли.

ТР Сәламәтлек саклау министрлыгында искәртүләренчә, федераль клиникаларда җиде кеше (аларның дүртесе — балалар, өчесе — олылар) дәвалануын дәвам итә. «Татар-информ» агентлыгы Мәскәү клиникасыннан бер кызны чыгарулары турында элегрәк хәбәр иткән иде. 

Чыганак: https://tatar-inform.tatar/news/health/07-06-2021/175nche-m-kt-pt-fa-igad-zyyan-k-rg-n-tagyn-ber-ukuchyny-hastahan-d-n-chygardylar-5826062