2024 елда Россиядә илкүләм проектларга каралган чыгымнар 3 триллион сумнан артып китәчәк

«Демография», «Имин һәм сыйфатлы юллар», «Мәгариф» һәм «Сәламәтлек саклау» илкүләм проектлары чараларына бюджеттан иң күп акча (890 миллиард, 621,4 миллиард, 237,2 миллиард һәм 283,8 миллиард) бүлеп бирү күздә тотыла.

Элегрәк билгеле булганча, 2023 елның 11 аенда Россиядә илкүләм проектларны гамәлгә ашыруга 2,5 триллион сумнан артык акча юнәлдерелгән. Бу – пландагы күрсәткечнең 84,5 проценты.

Россиядә илкүләм проектлар РФ Президенты Владимир Путин указы белән гамәлгә ашырыла.

Татар-информ