Акча юлдан яздыра

“Яңа төрләрне уйлап чыгарып кына торалар. Хәзер инде “биржа”да төрле кыйммәтле кәгазьләр, нефть, кыйммәтле ташлар белән акча эшләү юлына басарга чакыралар. Бу аларның чираттагы капкыны – онытмасагыз иде. Бер райондашыбыз аларның кармагына эләгергә дә өлгергән инде. Мошенниклар сүзенә алданып, ул 710 мең сум акчасыннан колак каккан. Ә ул акчаны кредитка алган, таныш-белешләреннән җыйган. ”Әлеге мошенниклык очрагы буенча тикшерү эше дәвам итә”, – ди Эчке эшләр бүлегенең Тикшерү бүлекчәсе җитәкчесе Марат Әмиров. Нәрсә дияргә була инде? Без кисәтеп торабыз – игътибарлы булсагыз иде. Алдана күрмәгез!