Әтнә үзәк китапханәсенә экскурсия

Китапханәче кыз Ногманова Йолдыз чара барышында китапханә эшчәнлеге белән таныштырды, уку залы һәм абонемент эшчәнлеге турында сөйләде, ай саен яңартыла торган китап-иллюстратив күргәзмәләргә күзәтү ясады. Укучыларга фондтагы китаплар турында мәгълүмат бирелде, матур әдәбият һәм бүлектәге китапларның ничек урнашуын аңлатты.Шулай ук укучылар рәссам Илдар абый Валиуллинның “Татар җаны, татар рухы” исемле шәхси күргәзмәсе белән таныштылар, рәссамның үзе белән аралашып, үзләрен кызыксындырган сорауларына җавап алдылар. Китапханә хезмәткәрләре барлык кунакларны Әтнә үзәк китапханәсенең актив укучылары булырга чакырып калдылар.