Буран сәбәпле трассаларда тукталган автобуслар хәрәкәте яңартылды

Татарстанда буран аркасында трассаларда тукталган автобуслар хәрәкәте яңартылды. Бу хакта «Волго-Вятскуправтодор» оешмасы матбугат хезмәте хәбәр итә.

Исегезгә төшерәбез, бүген иртәнге сәгать уннан республиканың төп автоюлларында буран аркасында автобуслар өчен юллар өлешчә ябылган иде. Шулай ук Казан — Оренбург — Акбулак автомобиль юлында, М7 Мәскәү — Владимир — Түбән Новгород — Казан — Уфа трассасының берничә участогында, шулай ук Йошкар-Ола — Яшел Үзән — М7 һәм Казан — Буа — Ульяновск трассаларында хәрәкәт туктатылган иде.

16.20 сәгатьтән автомобиль юллары буенча транспорт хәрәкәте тулысынча торгызылган. 

Чыганак:https://tatar-inform.tatar/news/society/10-01-2021/buran-s-b-ple-trassalarda-tuktalgan-avtobuslar-h-r-k-te-ya-artyldy-5797966