Гошер - зәкәтнең бер төре ул

Елга бер мәртәбә су сибеп үстергән уңышның — егермедән бер, су сипмичә үстергәннең уннан бер өлешен фәкыйрьләргә бирү — фарыз санала. Безнең җирлектә моның өчен кулай вакыт — бәрәңге алган, җиләк-җимеш өлгергән көзге чор.

Иртәдән һәркемнең капка төбендә үзе үстергән яшелчәдән өлеш чыгарып тутырылган капчыклар каршы алды. Дусым авылы халкы да гошер сәдакасын җыеп, «Сәламәтлек мөмкинлекләре чикләнгән балалар өчен Кенәр мәктәп-интернаты»на тапшырып кайттылар.

Сәдаканың күләме юк.

Гошер сәдакасы бәрәкәт бирә. Ул биргән кешегә кадерле булу дәрәҗәсе белән бәяләнә.  Һәркемгә дә Аллаһы Тәгаләнең рәхмәтенә ирешергә язсын.