Казан аэропортында уннан артык эчке һәм халыкара рейс тоткарлана
Казан аэропортында кабат эчке һәм халыкара рейслар тоткарлана. Шул ук вакытта аэропорт штат режимында эшләвен дәвам итә.
Онлайн-табло мәгълүматлары буенча, Санкт-Петербургка, шулай ук Мәскәүгә очарга тиешле рейслар тоткарлана. Моннан тыш, Краснодар, Калининград, Сочи һәм Красноярскига очарга тиешле самолетлар да соңрак очачак.
Очып килгәндә дә тоткарлыклар күзәтелә. Казанга Новокузнецк, Шарм-эш-Шейх, Хуҗанд, Сочи, Краснодар, Хургада, Мәскәү һәм Калининградтан рейслар соңга калып килә.
Кичә Сочи аэропортында чикләүләр кертелде, әмма төнлә ул самолетларны кабул итүне һәм җибәрүне яңартты. Моннан тыш, Росавиация карары буенча Краснодар аэропорты вакытлыча ябылган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев