Күпер янында җиңел машина әйләнеп капланган

(Казан, 29 октябрь, «Татар-информ», Полина Шевчук). Бүген төнге өченчеләр тирәсендә Нурлат районында Югары Нурлат авылы янында авария була.

Шаһитлар сүзләренчә, «Лада» машинасын йөртүче зур тизлектә бара һәм идарәсен югалта. Машина әйләнеп каплана, күпер коймасына барып бәрелә һәм чак кына күпердән төшеп китми кала.

«Рульдә ир-ат иде. 60-65 яшьләр чамасы. Ул урында ук үлде», — ди шаһитлар.