Татарстанда ковид таралуны кисәтү өчен ноябрь уртасыннан яңа чикләүләр кертеләчәк

(Казан, 28 октябрь, «Татар-информ», Гөлнар Гарифуллина). Татарстанда ноябрь уртасыннан башлап ковидны кисәтү өчен яңа чикләүләр гамәлгә кертелә.

«15 ноябрьдән театр, кинотеатр, кинозал, цирк, концерт заллары, рәсми физкультура, мәдәни, спорт чараларына бару өчен һәркайда QR-кодлар кирәк булачак», — диде ТР вице-премьеры Ләйлә Фазлыева.

Ул QR-кодлар бары тик шәхесне раслаучы документлар белән генә үз көчендә булачагын әйтте.

Прививка ясатмаучы 60 яшьтән өлкәнрәкләр эшләми торган көннәрдә өйдә булырга тиеш.

Тулырак: https://tatar-inform.tatar/news/health/28-10-2021/tatarstanda-kovid-taraluny-kis-t-chen-noyabr-urtasynnan-ya-a-chikl-l-r-kertel-ch-k-5842055