Әтнә кызы Энҗе Хөсәенова - Гран-при иясе!

- Гран-при алу минем өчен көтелмәгәнрәк хәл булды! Дөрес, мин бу бәйгеләрдә чыныгу алган идем. Шулай булса да, монысын ук уйламадым да. Бу җиңү миңа чиксез шатлык белән зур җаваплылык та өстәде. Әлеге яшь язучылар бәйгесен оештырганнары өчен "Идел" яшьләр үзәгенә һәм шигырьләремне шулай югары бәяләләгәннәре өчен жюри әгъзаларына  рәхмәтлемен. Аларның ышанычларын, Аллаһ боерса, аклармын дип уйлыйм! Һәм илһамландыручы, иҗат дәрте өстәүче, канатландыручы "Иделем акчарлагы"ның һәрвакыт очышта булуын телим. Минем җиңүем -  миңа белем биргән укытучыларым, тәүге чыныгуны алырга ярдәм иткән "Күңел чыңы"ндагы иҗатташларымның уңышы да. Аларның миңа баглаган өметләрен аклый алуым белән дә мин үземне бәхетле саныйм, - ди Энҗе Ирек кызы. Без дә якташ шагыйрәбезгә иҗади уңышлар телибез. Яулыйсы үрләре алда булсын.