Әтнә техникумында “Халыкара туган тел көне” узды

Аны рус теле һәм әдәбияты укытучысы Фазлиева Гөлшат Хәмзә кызы оештырды. Укучылар рус, татар, мари телләрендә чыгыш ясадылар. Марина Цветаева, Габдулла Тукай сүзләренә язылган җырлар җырладылар. Сәхнәдә Галиева Илвина башкаруында “Су анасы” әкияте, Әскәров Азатның туган телгә багышлап иҗат иткән шигыре, Максимова Каролинаның туган мари телендәге шигыре, Кәбиров Фирдүс, Сираҗиев Диязның, Хәмидуллина Әдилә һәм Башаров Булатның чыгышлары берәүне дә битараф калдырмады.