Пассажирның кабыргалары сынган

Чаллыда ике автомобиль бәрелешү аркасында өлкән яшьтәге пассажирның кабыргалары сынган. Бу хакта җирле Дәүләт автоинспекциясе хәбәр итә.

Авария 24 сентябрь кичендә Һади Такташ һәм Комаров урамнары чатында булган. 10нчы модель «Лада» автомобилен идарә итүче 43 яшьлек шофер 37 яшьлек ир-ат «иярләгән» «Хино» йөк машинасы белән бәрелешкән.

Юл һәлакәтендә «Лада» автомобиленең пассажирлары төрле тән җәрәхәтләре алган. 67 яшьлек хатын-кызның ике кабыргасы сынган, 18 яшьлек егетнең маңгае ярылган. Аларның икесен дә хастаханәгә озатканнар. 

Бу хакта тулырак: https://tatar-inform.tatar/news/2018/09/25/172215/

Фото:https://pixabay.com/