Республикада коронавирустан үлүнең 21 очрагы теркәлде
Татарстанда коронавирустан үлүнең 21 нче очрагы теркәлде Биектау районында яшәүче 1992 елгы ир-ат COVID-19 инфекциясеннән вафат булган. Татарстанда Covid-19 коронавирусыннан үлүнең 21 нче очрагы теркәлгән. Бу хакта «Татар-информ»га республика Президентының матбугат хезмәте җитәкчесе Лилия Галимова хәбәр иткән.
Биектау районында яшәүче 1992 елгы ир-атны Республика клиник хастаханәсенең вакытлыча инфекцион госпиталенә 2 июльдә китергәннәр. Пневмония аркасында коронавирус инфекциясе катлаулана. Аны үпкәләрне ясалма җилләтү аппаратына тоташтыралар, бөерләренә терапия ясыйлар. Пациентның берничә хроник авыруы булган, бу аның хәлен катлауландырган. Ул кичә вафат булган, үлем сәбәбен патологоанатомик экспертиза нәтиҗәләре буенча ачыклаганнар.
Фото: pixabay.com/ru
Следите за самым важным и интересным в Telegram-каналеТатмедиа
Нет комментариев