Бүген Әтнә районының туган көне, кабат оешуга 33 ел тулды

Әтнә районы 1990 елның 25 октябреннән кабат район булып мөстәкыйль яши башлый.

Район составына 46 торак пункт, берләштерелгән 12 авыл җирлеге керә:

• Олы Әтнә (Олы Әтнә, Кече Әтнә, Яңа Әтнә, Яңа Җөлби, Шәкәнәч авыллары);
• Олы Мәңгәр (Олы Мәңгәр, Бәхтияр, Иске Мәңгәр авыллары);
• Югары Сәрдә (Югары Сәрдә авылы);
• Комыргуҗа (Комыргуҗа, Япанчы, Мәрҗән, Төрекләр авыллары);
• Күәм (Күәм, Каенсар, Әйшияз, Дусым, Җилгелде, Казак Үртәме авыллары);
• Күлле-Киме (Күлле-Киме, Ары, Бахтачы, Яңа Бәрәскә авыллары);
• Күңгәр (Күңгәр, Күшәр, Югары Шашы, Мөндеш, Түбән Шашы авыллары);
• Кышлау (Кышлау, Кызыл Утар, Яңа Өҗем авыллары);
• Түбән Бәрәскә (Түбән Бәрәскә, Олы Бәрәзә, Олы Өшкәтә авыллары);
• Түбән Көек (Түбән Көек, Югары Көек, Атамыш, Яңа Шимбер һәм Иске Шимбер авыллары);
• Яңа Шашы (Яңа Шашы, Ключи-Сап, Мамыш, Иске Җогып, Чембулат авыллары)

Район икътисады

Район авыл хуҗалыгы юнәлешендә - сөт җитештерү буенча иң алдынгы районнарның берсе..

Авыл хуҗалыгының файдаланыла торган җирләре 53,6 мең га, шул исәптән сөрүлек җирләр – 46,9 мең га (2016 ел).

Сабан бодае, уҗым арышы, арпа, солы, борчак, кукуруз үстерелә.

Бүгенге көндә районда 9 авыл хуҗалыгы предприятиесе эшли.

Иң зур предприятиеләр: “Тукай” җаваплылыгы чикләнгән җәмгыять, “Ленин исемендәге нәселле терлек заводы” авыл хуҗалыгы җитештерү кооперативы, “Таң” авыл хуҗалыгы җитештерү кооперативы, “Шахтёр” җаваплылыгы чикләнгән җәмгыять. 

Бүгенге көндә районның һәр юнәлешендә асфальт юллар.