Әтнәләр «Зур этнографик диктант» халыкара мәгърифәтчелек акциясенә кушылды

2019 елның 1 ноябрендә 11:00 сәгатьтә Россиянең барлык субъектларында һәм чит илләрдә җирле вакыт буенча  «Зур этнографик диктант» халыкара мәгърифәтчелек акциясе узды. Олы  Әтнәдә  Г. Тукай исемендәге авыл хуҗалыгы техникумы китапханәсенең уку залында үтте бу чара. 

Диктантта, яше, белеме, социаль яктан нинди булуга, диненә һәм гражданлыгына карамастан, рус телен белүче Россия һәм чит ил кешеләре дә  катнашкандыр.

Диктантның максаты -  халыкның этнографик грамоталылыгын бәяләү, Россия Федерациясе халыкларының милли-мәдәни үсешенә, гомумроссия гражданлык тәңгәллеген, этникара тынычлыкны һәм татулыкны алга таба ныгытуга ярдәм итү.

Р.Хәбибуллина фотосы.