Әтнә таңы

Әтнә районы

18+
2024 - Гаилә елы
Мең дә бер киңәш

Туңган, өшегән очракта нишләргә?

Алкоголь ярдәмендә «җылыну» авыр нәтиҗәләргә китерергә мөмкин.

Кыш көннәрендә туңу, өшү сәламәтлек өчен җитди нәтиҗәләргә китерергә мөмкин. Салкында кысан һәм дымлы кием һәм аяк киеме, физик ару-талу, ач булу, озак вакыт хәрәкәтсез тору, организмның хәлсезләнүе һ.б. нәтиҗәсендә кеше өшергә мөмкин. Шуңа күрә түбәндәге кагыйдәләрне үтәргә кирәк. Бу турыда Татарстан Сәламәтлек саклау министрлыгы хәбәр итте.

Салкында озак йөрергә җыенганда берничә кат кием киегез — алар арасында һава җылыны саклап калачак. Үзегез белән өстәмә кием алырга була, артыгын һәрвакыт салырга мөмкин.

Ашап чыгыгыз, бәлки, организмга салкынга каршы торыр өчен күп энергия кирәк булыр.

Үзегез белән термоста кайнар чәй алыгыз.

Алкоголь ярдәмендә «җылыну» авыр нәтиҗәләргә китерергә мөмкин, чөнки ул җылылык иллюзиясен генә бирә: кан тамырлары киңәя, шул рәвешле җылылык күбрәк бирә, ә аннары кискен тарая, шуның нәтиҗәсендә аяк-куллар туңа. Аяк-кулларны ампутацияләүгә китергән туңуларның күбесе исерек хәлдә була.

Беренче ярдәм туңуның дәрәҗәсенә, организмның суынуы, яшькә бәйле рәвештә күрсәтелә. Беренче чиратта, зыян күрүчене җылыга кертергә, кием-салым, аяк киемнәрен салдырырга кирәк. Өшегән аяк-кулларны кайнар суда, ачык ут янында, батареяда тотарга киңәш ителми, чөнки тән тиресенә өстәмә зарар килергә мөмкин. Зыян күрүчене юрган белән төреп җылытырга кирәк. Кайнар чәйләр, җылы ризык бирергә киңәш ителә. Өшегән урыннарны кар белән ышкырга, спирт эремәләре, майлар белән сөртергә ярамый.

Каты туңган, өшегән очракта кичекмәстән табибка мөрәҗәгать итәргә кирәк.

Чыганак: https://intertat.tatar/news/questions_answers/14-01-2022/tu-gan-sheg-n-ochrakta-nishl-rg-5847049

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев