Ачлыктан түгел инде бу...

Гадәттән тыш хәлләр министрлыгының район вәкиле Рамил Гарипов кисәтә тора, балыкчылар боз өстендә йөри тора. Бозның нык түгеллеге күренеп тора, югыйсә як-якларында су, ә алар балык тота.

Нәрсә бу? Үлемгә китерә торган азартмы, ваемсызлыкмы, үз гомереңә кул селтәүме? Тик боларның берсе дә ач түгеллегенә иманым камил.

Ярамый бит болай, үзегезне уйламасагыз да, якыннарыгызны уйлагыз... Әлеге фотоларны хәбәрчебез Фидаил Кадимов кичә "Ашыт" сакланышында төшергән. Сак булырга кирәк, Аллаһы Тәгалә сакланганны саклармын дигән.