Агач утырттылар

Балалар оешмалары советы форумында кабул ителгән карар пунктларының берсендә район территориясендә агач утырту да каралган иде.
"Шул нигездә "Ашыт" мәдәният һәм спорт үзәге белән Олы Әтнә мәктәбе арасындагы буш мәйданга 60 төп агач утырттык", - диде яшьләр эше һәм спорт бүлеге җитәкчесе Рамил Шәйхиев.
Үсентеләрне буе белән - 5 рәттә, 1 рәткә 14әр төп утыртканнар. Бу эшкә Олы Әтнә мәктәбенең 11 сыйныф укучылары һәм укытучылары, шулай ук районның балалар-яшүсмерләр спорт мәктәбе хезмәткәрләре җәлеп ителгән.
- Көне бик матур - бар да камил булды, - ди җитәкче.