Бадминтонда көч сынаштылар

Спартакиада кысаларында спорт мәктәбе тарафыннан урта һәм төп мәктәпләр арасында бадминтон ярышлары оештырылды. Төп мәктәпләр арасында Түбән Көек мәктәбе командасы - беренче, Олы Мәңгәр - икенче, Бәрәзә - өченче урынны яулады. Аерым чыгышларда егетләр арасында Айрат Нуриев - беренче, Нәзир Кадимов - икенче, Айзат Филатов - өченче урында. Кызлардан - Филсинә Гайнетдинова - беренче, Дилә Гайнетдинова - икенче, Зилә Гимадиева - өченче.
Урта мәктәпләр арасында беренче урында - Бәрәскә мәктәбе командасы, икедә - Олы Әтнә, өчтә - Күңгәр мәктәбе. Аерым чыгышларда егетләрдән Азат Аканашев - беренче, Ислам Касыймов - икенче, Динар Вәлиев - өченче. Кызлардан - Сөмбел Хәсәнова - бердә, Лилия Гыйниятуллина - ике, Рәзилә Төхбиева - өченче урында.