Белем көне якынлаша

Быел Корбан гаете 1 сентябрьгә туры килә. Шуңадамы социаль һәм интернет челтерләрендә быел укулар 4 сентябрь көнне генә башлана икән, дип шау иттеләр. Имеш-мимешләр чынга ашмады. Һәр елдагыча 1 сентябрь Белем көне районыбыз мәктәпләрендә узачак. Ә 2 сентябрь көнне 2017-2018 елгы уку елы башланып китә. Бары тик быел беренче сыйныфка баручы укучылар гына 2се көнне укымаячак­лар. Чөнки 2 сентябрь шимбә көнгә туры килә. Ә беренче сыйныф укучылары шимбә көнне укымыйлар.