Биектау районында өч автомобиль бәрелешү сәбәпле, трассага 200 литр ягулык түгелгән

(Казан, 13 октябрь, "Татар-информ"). Биектау районында өч авто бәрелешкән, шуның аркасында юлга ягулык түгелгән. Бу хакта "Татар-информ"га Россия Гадәттән тыш хәлләр министрлыгының Татарстан Баш Идарәсе матбугат хезмәте хәбәр итә.

Кичә көндез 112 бердәм ашыгыч ярдәм чакыру номерына М7 трассасының 807нче чакрымында "ГАЗель", "Рено Логан" җиңел машинасы һәм "Даф" фурасы бәрелешү турында хәбәр килә. Юл-транспорт һәлакәте аркасында беркем дә зыян күрмәгән. Әмма трассага 200 литр ягулык түгелгән.

Вакыйга булган урынга килгән 113нче янгын сүндерү бүгеге хезмәткәрләре автомобильләрнең аккумуляторын өзеп куйган һәм трассага түгелгән ягулыкны юдырткан.

Чыганак: http://tatar-inform.tatar/news/2017/10/13/150212/