Чәчегез коеламы?

Гадәттә язын чәч коелучан була, моны чәчтарашта эшләүчеләр гадәти хәл, чәч коелырга тиеш, коелганы урынына икенчесе үсә, диләр. Яңара, димәк. Шулай да, чәчсез калабыз, дип курыксагыз, ара-тирә ул куркыта да... Менә бу төнәтмәне ясап карагыз.

Порошок итеп вакланган 1 балкашык кычытканга 1 стакан яңа кайнап чыккан су салып, 1 сәгать төнәтеп сөзегез. Чиста чәчне шушы төнәтмә белән чылатып, 30 минут - 1 сәгать тирәсе тотыгыз да чәчегезне чайкагыз. Төнәтмәне берничә ай дәвамында атнага 1-2 мәртәбә кулланырга кирәк.

Табиб белән киңәшсәгез дә начар булмас.