"Халык участогы" бәйгесенең өченче этабы башланды

«Народный участковый» бәйгесенең соңгы - өченче этабы 1-10 ноябрь көннәрендә уза. Анда сез дә катнашып, тавыш бирә аласыз. Моның өчен «Комсомольская правда» www.kp.ru сайтына кереп теркәлергә кирәк. Сайтта «Общество» яки «Конкурсы» бүлеген табып, «Народный участковый» баннерына керәсең. Бу бүлектә һәр финалист турында мәгълүмат бирелгән. Шулай ук аларның эшчәнлеге белән бәйле презентацияләр һәм фоторепортажлар белән дә танышырга мөмкин. Тавыш бирү өчен финалистның фотосына басарга кирәк. Шунысын да әйтергә кирәк, бәйгедә Татарстан өчен республиканың Лениногорск районы буенча Эчке эшләр бүлегенең өлкән участок инспекторы, полиция капитаны Гарипов Рүзәл Рамил улы катнаша.