элек һәм хәзер

"Авыл советы председателе иптәш Гатауллин чишмәне чистарту һәм төзекләндерү эшенә керешкән иде. Ләкин бу эш тукталып калды, чишмә төзекләндерелмәде"...

Халык гомер-гомергә булган проблемаларны басма матбугат аша хәл итәргә тырышкан. Әйтик, 1944 елгы район газетасы "Социализм юлы"нда "Коелар һәм чишмәләр төзекләндерелсен иде" исемле мәкаләгә дучар булдым. Югарыда китерелгән өземтә әнә шул мәкаләдән. Бу мәкалә "Редакциягә килгән хатлардан" рубрикасы астында булгач, күңелгә бигрәк тә якын тоелды. Мәкалә белән якыннанрак танышыйк әле.

"Дусым авылында зур гына өсте ябулы бер чишмә бар. Авылның күпчелек халкы суны шул чишмәдән китерә. Ләкин чишмәне саклауга тиешле игътибар булмау нәтиҗәсендә бурасы таркалып яраксыз хәлгә килгән. Чишмәнең суы сасыган. Без, колхозчылар башланган эшнең ахырына кадәр җиткерелүен, чишмәнең төзекләндерелүен сорыйбыз", - дип язалар колхозчылар.

Бу бик кызык факт тоелды. Исәнме ул чишмә, бүген нинди хәлдә? Ул чорда ремонтланганмы?..

(Дәвамын газетада укый аласыз)