Фикер алыштылар

Ветераннар советы җитәкчеләренең тәүге җыелышы булып узды.
Бу чара Яңа Шашы, Кыш­­лау, Ташчишмә, Кө­ек, тех­никум һәм больница оеш­ма­ла­ры­ның яңа сай­лан­ган ветеран­нар рәисләре белән та­ны­шудан башланды. Яңа җитәкчеләр килеп ку­шылгач, ветераннар со­ветының составы нык үз­гәрде, күбесе мәгариф һәм мәдәният өлкәсендә эшләгән яки эшләүче, яртысыннан күбрәге югары белемле, хатын-кызлар оеш­маның те­рәге булып торалар.
Әлеге чарада узган ел­да эшләгән эшләргә ана­лиз ясалды, киләчәккә планнар турында сөй­ләшенде.
Бөек Җиңүнең 72нче елы якынлаша, аңа әзерлек, Республика ве­тераннар советының бүгеннән үк Җиңүнең 75 ел­лыгын каршылау турындагы планнары җит­ке­релде. Сугыш вете­ран­нары, тыл хезмәткәр­ләре тормышы белән һәрдаим кызыксынып торулары, кирәк вакытта булышу­ла­­ры төп бурыч итеп бил­геләнде.
Бүгенге көндә актуаль булган яшь­ләр­гә рухи тәрбия бирү мәсьә­ләләренә зур игъ­ти­­бар сорала. Авыл җир­лекләрендәге ве­­те­раннар оешмаларына мөмкинлекләреннән чы­гып, мәктәпләр, авыл җир­лекләре белән бер­­гә­ләп, Комыргуҗа урта мәктәбендә уздырылган "Парлы яшәү - бөек сер ул" дип исемләнгән ки­чә кебек очрашулар оеш­тырырга тәкъдим ител­­де. Бу баш­­лангыч күпләр өчен үрнәк булып тора.